ກາຣຢູ່ດ້ວຍຄວາມປະມາທ ແລະບໍ່ປະມາທຂອງອະຣິຍະສາວົກ

The Buddha's words

ສັງຍຸຕຕະນິກາຍ ມະຫາວາຣະວັຄ ພາສາໄທ ສະບັບຫລວງ ໑໙/໓໙໔/໑໕໙໙

Photo by Anna Jiménez Calaf on Unsplash

ສມັຍໜຶ່ງ ພຣະຜູ້ມີພຣະພາຄປະທັບຢູ່ໃນນິໂຄທາຣາມ ໃກ້ພຣະນະຄອຣກະບິລະພັສ ແຄວ້ນສັກກະ ຄັ້ງນັ້ນ ເຈົ້າສັກກະຍະພຣະນາມວ່າ ນັນທິຍະ ສະເດັຈເຂົ້າເຝົ້າພຣະຜູ້ມີພຣະພາຄເຖິງທີ່ປະທັບ ຊົງຖວາຍບັງຄົມພຣະຜູ້ມີພຣະພາຄແລ້ວ ປະທັບນັ່ງໃນທີ່ຄວນສ່ວນຂ້າງໜຶ່ງ ຄັນແລ້ວໄດ້ກຣາບທູລພຣະຜູ້ມີພຣະພາຄວ່າ:

ຂ້າແຕ່ພຣະອົງຄ໌ຜູ້ຈະເຣີນ! ອະຣິຍະສາວົກໃດບໍ່ມີໂສຕາປັຕຕິຍັງຄະ ໔ ປະກາຣ ໂດຍປະກາຣທັງປວງ ໃນກາລທຸກເມື່ອ ອະຣິຍະສາວົກນັ້ນຫລືໜໍທີ່ພຣະອົງຄ໌ຕຣັສຮຽກວ່າ ຢູ່ດ້ວຍຄວາມປະມາທ? ພຣະຜູ້ມີພຣະພາຄຕຣັສວ່າ:

ນັນທິຍະ! ບຸຄຄົລໃດບໍ່ມີໂສຕາປັຕຕິຍັງຄະ ໔ ປະກາຣ ເຮົາຮຽກບຸຄຄົລນັ້ນວ່າ ເປັນຄົນພາຍນອກ ຕັ້ງຢູ່ໃນຝ່າຍປຸຖຸຊົນ. ອີກຢ່າງໜຶ່ງ ອະຣິຍະສາວົກເປັນຜູ້ຢູ່ດ້ວຍຄວາມປະມາທ ແລະຢູ່ດ້ວຍຄວາມບໍ່ປະມາທໂດຍວິທີໃດ ທ່ານຈົ່ງຟັງວິທີນັ້ນ ຈົ່ງໃສ່ໃຈໃຫ້ດີ ເຮົາຈັກກ່າວ.

ນັນທິຍະສັກກະຍະທູລຮັບພຣະຜູ້ມີພຣະພາຄແລ້ວ ພຣະຜູ້ມີພຣະພາຄຕຣັສວ່າ:

ນັນທິຍະ! ກໍອະຣິຍະສາວົກເປັນຜູ້ຢູ່ດ້ວຍຄວາມປະມາທເປັນຢ່າງໃດ?

ນັນທິຍະ! ອະຣິຍະສາວົກໃນທັມວິນັຍນີ້ ປະກອບດ້ວຍຄວາມເຫລື້ອມໃສອັນບໍ່ຫວັ່ນໄຫວໃນພຣະພຸທທະເຈົ້າວ່າ ເພາະເຫຕຢ່າງນີ້ໆ ພຣະຜູ້ມີພຣະພາຄ ພຣະອົງຄ໌ນັ້ນ ເປັນພຣະອະຣະຫັນຕ໌, ຕຣັສຮູ້ເອງໂດຍຊອບ, ເຖິງພ້ອມດ້ວຍວິຊຊາແລະຈະຣະນະ, ສະເດັຈໄປດີແລ້ວ, ຊົງຮູ້ແຈ້ງໂລກ, ເປັນສາຣະຖີຝຶກບຸຣຸສທີ່ຄວນຝຶກບໍ່ມີຜູ້ອື່ນຍິ່ງກວ່າ, ເປັນສາສດາຂອງເທວະດາແລະມະນຸສທັງຫລາຍ, ເປັນຜູ້ເບີກບານແລ້ວ, ເປັນຜູ້ຈຳແນກທັມ ດັ່ງນີ້, ອະຣິຍະສາວົກນັ້ນພໍໃຈແລ້ວດ້ວຍຄວາມເຫລື້ອມໃສອັນບໍ່ຫວັ່ນໄຫວໃນພຣະພຸທທະເຈົ້ານັ້ນ ບໍ່ພະຍາຍາມໃຫ້ຍິ່ງຂຶ້ນໄປ ເພື່ອຄວາມສງັດໃນກາງເວັນ ເພື່ອກາຣຫລີກເຣັ້ນໃນກາງຄືນ ເມື່ອອະຣິຍະສາວົກນັ້ນເປັນຜູ້ປະມາທຢູ່ຢ່າງນີ້ ຍ່ອມບໍ່ມີປຣາໂມທ ເມື່ອບໍ່ມີປຣາໂມທ ກໍບໍ່ມີປີຕິ ເມື່ອບໍ່ມີປີຕິ ກໍບໍ່ມີປັສສັທທິ ເມື່ອບໍ່ມີປັສສັທທິ ຍ່ອມຢູ່ເປັນທຸກຂ໌ ຈິຕຂອງຜູ້ມີຄວາມທຸກຂ໌ ຍ່ອມບໍ່ຕັ້ງໝັ້ນ ເມື່ອຈິຕບໍ່ຕັ້ງໝັ້ນ ທັມທັງຫລາຍຍ່ອມບໍ່ປາກົຕ ເພາະທັມທັງຫລາຍບໍ່ປາກົຕ ອະຣິຍະສາວົກນັ້ນຍ່ອມເຖິງຄວາມນັບວ່າ ຢູ່ດ້ວຍຄວາມປະມາທ.

ນັນທິຍະ! ອີກປະກາຣໜຶ່ງ ອະຣິຍະສາວົກເປັນຜູ້ປະກອບດ້ວຍຄວາມເຫລື້ອມໃສອັນບໍ່ຫວັ່ນໄຫວໃນພຣະທັມວ່າ ພຣະທັມເປັນສິ່ງທີ່ພຣະຜູ້ມີພຣະພາຄຕຣັສໄວ້ດີແລ້ວ, ເປັນສິ່ງທີ່ຜູ້ສຶກສາແລະປະຕິບັດຍ່ອມເຫັນໄດ້ດ້ວຍຕົນເອງ,​ ເປັນສິ່ງທີ່ປະຕິບັດໄດ້ແລະໃຫ້ຜົລໄດ້ບໍ່ຈໍາກັດກາລ, ເປັນສິ່ງທີ່ຄວນກ່າວກັບຜູ້ອື່ນວ່າ ທ່ານຈົ່ງມາເບິ່ງເຖີດ, ເປັນສິ່ງທີ່ຄວນນ້ອມເຂົ້າມາໃສ່ຕົວ, ເປັນສິ່ງທີ່ວິນຍູຊົນຍ່ອມຮູ້ໄດ້ສະເພາະຕົນ ດັ່ງນີ້, ອະຣິຍະສາວົກນັ້ນພໍໃຈແລ້ວດ້ວຍຄວາມເຫລື້ອມໃສອັນບໍ່ຫວັ່ນໄຫວໃນພຣະທັມນັ້ນ ບໍ່ພະຍາຍາມໃຫ້ຍິ່ງຂຶ້ນໄປ ເພື່ອຄວາມສງັດໃນກາງເວັນ ເພື່ອກາຣຫລີກເຣັ້ນໃນກາງຄືນ ເມື່ອອະຣິຍະສາວົກນັ້ນເປັນຜູ້ປະມາທຢູ່ຢ່າງນີ້ ຍ່ອມບໍ່ມີປຣາໂມທ ເມື່ອບໍ່ມີປຣາໂມທ ກໍບໍ່ມີປີຕິ ເມື່ອບໍ່ມີປີຕິ ກໍບໍ່ມີປັສສັທທິ ເມື່ອບໍ່ມີປັສສັທທິ ຍ່ອມຢູ່ເປັນທຸກຂ໌ ຈິຕຂອງຜູ້ມີຄວາມທຸກຂ໌ ຍ່ອມບໍ່ຕັ້ງໝັ້ນ ເມື່ອຈິຕບໍ່ຕັ້ງໝັ້ນ ທັມທັງຫລາຍຍ່ອມບໍ່ປາກົຕ ເພາະທັມທັງຫລາຍບໍ່ປາກົຕ ອະຣິຍະສາວົກນັ້ນຍ່ອມເຖິງຄວາມນັບວ່າ ຢູ່ດ້ວຍຄວາມປະມາທ.

ນັນທິຍະ! ອີກປະກາຣໜຶ່ງ ອະຣິຍະສາວົກເປັນຜູ້ປະກອບດ້ວຍຄວາມເຫລື້ອມໃສອັນບໍ່ຫວັ່ນໄຫວໃນພຣະສົງຄ໌ວ່າ ສົງຄ໌ສາວົກຂອງພຣະຜູ້ມີພຣະພາຄເຈົ້າ ເປັນຜູ້ປະຕິບັຕດີແລ້ວ, ເປັນຜູ້ປະຕິບັຕຕົງແລ້ວ, ເປັນຜູ້ປະຕິບັຕໃຫ້ຮູ້ທັມເຄື່ອງອອກຈາກທຸກຂ໌ແລ້ວ, ເປັນຜູ້ປະຕິບັຕສົມຄວນແລ້ວ, ໄດ້ແກ່ບຸຄຄົລເຫລົ່ານີ້ຄື ຄູ່ແຫ່ງບຸຣຸສສີ່ຄູ່ ນັບຮຽງຕົວບຸຣຸສໄດ້ ໘ ບຸຣຸສ ນັ້ນແຫລະຄື ສົງຄ໌ສາວົກຂອງພຣະຜູ້ມີພຣະພາຄເຈົ້າ, ເປັນສົງຄ໌ຄວນແກ່ສັກກາຣະທີ່ເຂົານຳມາບູຊາ, ເປັນສົງຄ໌ຄວນແກ່ສັກກາຣະທີ່ເຂົາຈັດໄວ້ຕ້ອນຮັບ, ເປັນສົງຄ໌ຄວນຮັບທັກຂິນາທານ, ເປັນສົງຄ໌ທີ່ບຸຄຄົລທົ່ວໄປຄວນທຳອັນຊະລີ, ເປັນສົງຄ໌ທີ່ເປັນນາບຸນຂອງໂລກ ບໍ່ມີນາບຸນອື່ນຍິ່ງກວ່າ ດັ່ງນີ້, ອະຣິຍະສາວົກນັ້ນພໍໃຈແລ້ວດ້ວຍຄວາມເຫລື້ອມໃສອັນບໍ່ຫວັ່ນໄຫວໃນພຣະສົງຄ໌ນັ້ນ ບໍ່ພະຍາຍາມໃຫ້ຍິ່ງຂຶ້ນໄປ ເພື່ອຄວາມສງັດໃນກາງເວັນ ເພື່ອກາຣຫລີກເຣັ້ນໃນກາງຄືນ ເມື່ອອະຣິຍະສາວົກນັ້ນເປັນຜູ້ປະມາທຢູ່ຢ່າງນີ້ ຍ່ອມບໍ່ມີປຣາໂມທ ເມື່ອບໍ່ມີປຣາໂມທ ກໍບໍ່ມີປີຕິ ເມື່ອບໍ່ມີປີຕິ ກໍບໍ່ມີປັສສັທທິ ເມື່ອບໍ່ມີປັສສັທທິ ຍ່ອມຢູ່ເປັນທຸກຂ໌ ຈິຕຂອງຜູ້ມີຄວາມທຸກຂ໌ ຍ່ອມບໍ່ຕັ້ງໝັ້ນ ເມື່ອຈິຕບໍ່ຕັ້ງໝັ້ນ ທັມທັງຫລາຍຍ່ອມບໍ່ປາກົຕ ເພາະທັມທັງຫລາຍບໍ່ປາກົຕ ອະຣິຍະສາວົກນັ້ນຍ່ອມເຖິງຄວາມນັບວ່າ ຢູ່ດ້ວຍຄວາມປະມາທ.

ນັນທິຍະ! ອີກປະກາຣໜຶ່ງ ອະຣິຍະສາວົກເປັນຜູ້ປະກອບດ້ວຍສີລທີ່ພຣະອະຣິຍະເຈົ້າໃຄ່ແລ້ວ ບໍ່ຂາດ ບໍ່ທະລຸ ບໍ່ດ່າງ ບໍ່ພ້ອຍ ເປັນອິສສະຣະ ວິນຍູຊົນສັນລະເສີນ ບໍ່ມີອັນໃດຄອບງຳ ເປັນໄປເພື່ອສະມາທິ ອະຣິຍະສາວົກນັ້ນພໍໃຈແລ້ວດ້ວຍສີລທີ່ພຣະອະຣິຍະເຈົ້າໃຄແລ້ວ ບໍ່ພະຍາຍາມໃຫ້ຍິ່ງຂຶ້ນໄປ ເພື່ອຄວາມສງັດໃນກາງເວັນ ເພື່ອກາຣຫລີກເຣັ້ນໃນກາງຄືນ ເມື່ອອະຣິຍະສາວົກນັ້ນເປັນຜູ້ປະມາທຢູ່ຢ່າງນີ້ ຍ່ອມບໍ່ມີປຣາໂມທ ເມື່ອບໍ່ມີປຣາໂມທ ກໍບໍ່ມີປີຕິ ເມື່ອບໍ່ມີປີຕິ ກໍບໍ່ມີປັສສັທທິ ເມື່ອບໍ່ມີປັສສັທທິ ຍ່ອມຢູ່ເປັນທຸກຂ໌ ຈິຕຂອງຜູ້ມີຄວາມທຸກຂ໌ ຍ່ອມບໍ່ຕັ້ງໝັ້ນ ເມື່ອຈິຕບໍ່ຕັ້ງໝັ້ນ ທັມທັງຫລາຍຍ່ອມບໍ່ປາກົຕ ເພາະທັມທັງຫລາຍບໍ່ປາກົຕ ອະຣິຍະສາວົກນັ້ນຍ່ອມເຖິງຄວາມນັບວ່າ ຢູ່ດ້ວຍຄວາມປະມາທ. ນັນທິຍະ ອະຣິຍະສາວົກເປັນຜູ້ຢູ່ດ້ວຍຄວາມປະມາທເປັນຢ່າງນີ້ແລ.

ນັນທິຍະ! ອະຣິຍະສາວົກເປັນຜູ້ຢູ່ດ້ວຍຄວາມບໍ່ປະມາທເປັນຢ່າງໃດ?

ນັນທິຍະ! ອະຣິຍະສາວົກໃນທັມວິນັຍນີ້ ປະກອບດ້ວຍຄວາມເຫລື້ອມໃສອັນບໍ່ຫວັ່ນໄຫວໃນພຣະພຸທທະເຈົ້າວ່າ ເພາະເຫດຢ່າງນີ້ໆ ພຣະຜູ້ມີພຣະພາຄ ພຣະອົງຄ໌ນັ້ນ ເປັນພຣະອະຣະຫັນຕ໌, ຕຣັສຮູ້ເອງໂດຍຊອບ, ເຖິງພ້ອມດ້ວຍວິຊຊາແລະຈະຣະນະ, ສະເດັຈໄປດີແລ້ວ, ຊົງຮູ້ແຈ້ງໂລກ, ເປັນສາຣະຖີຝຶກບຸຣຸສທີ່ຄວນຝຶກບໍ່ມີຜູ້ອື່ນຍິ່ງກວ່າ, ເປັນສາສດາຂອງເທວະດາແລະມະນຸສທັງຫລາຍ, ເປັນຜູ້ເບີກບານແລ້ວ, ເປັນຜູ້ຈຳແນກທັມ  ດັ່ງນີ້, ອະຣິຍະສາວົກນັ້ນບໍ່ພໍໃຈດ້ວຍຄວາມເຫລື້ອມໃສອັນບໍ່ຫວັ່ນໄຫວໃນພຣະພຸທທະເຈົ້ານັ້ນ ພະຍາຍາມໃຫ້ຍິ່ງຂຶ້ນໄປ ເພື່ອຄວາມສງັດໃນກາງເວັນ ເພື່ອກາຣຫລີກເຣັ້ນໃນກາງຄືນ ເມື່ອອະຣິຍະສາວົກນັ້ນເປັນຜູ້ບໍ່ປະມາທຢູ່ຢ່າງນີ້ ຍ່ອມເກີດປຣາໂມທ ເມື່ອເກີດປຣາໂມທ ຍ່ອມເກີດປີຕິ ເມື່ອໃຈມີປີຕິ ກາຍຍ່ອມສງົບ ຜູ້ມີກາຍສງົບ ຍ່ອມໄດ້ສະເຫວີຍສຸຂ ຈິຕຂອງຜູ້ມີຄວາມສຸຂ ຍ່ອມຕັ້ງໝັ້ນ ເມື່ອຈິຕຕັ້ງໝັ້ນ ທັມທັງຫລາຍຍ່ອມປາກົຕ ເພາະທັມທັງຫລາຍປາກົຕ ອະຣິຍະສາວົກນັ້ນຍ່ອມເຖິງຄວາມນັບວ່າ ຢູ່ດ້ວຍຄວາມບໍ່ປະມາທ.

ນັນທິຍະ! ອີກປະກາຣໜຶ່ງ ອະຣິຍະສາວົກເປັນຜູ້ປະກອບດ້ວຍຄວາມເຫລື້ອມໃສອັນບໍ່ຫວັ່ນໄຫວໃນພຣະທັມວ່າ ພຣະທັມເປັນສິ່ງທີ່ພຣະຜູ້ມີພຣະພາຄຕຣັສໄວ້ດີແລ້ວ, ເປັນສິ່ງທີ່ຜູ້ສຶກສາແລະປະຕິບັດຍ່ອມເຫັນໄດ້ດ້ວຍຕົນເອງ,​ ເປັນສິ່ງທີ່ປະຕິບັດໄດ້ແລະໃຫ້ຜົລໄດ້ບໍ່ຈໍາກັດກາລ, ເປັນສິ່ງທີ່ຄວນກ່າວກັບຜູ້ອື່ນວ່າ ທ່ານຈົ່ງມາເບິ່ງເຖີດ, ເປັນສິ່ງທີ່ຄວນນ້ອມເຂົ້າມາໃສ່ຕົວ, ເປັນສິ່ງທີ່ວິນຍູຊົນຍ່ອມຮູ້ໄດ້ສະເພາະຕົນ ດັ່ງນີ້, ອະຣິຍະສາວົກນັ້ນບໍ່ພໍໃຈດ້ວຍຄວາມເຫລື້ອມໃສອັນບໍ່ຫວັ່ນໄຫວໃນພຣະທັມນັ້ນ ພະຍາຍາມໃຫ້ຍິ່ງຂຶ້ນໄປ ເພື່ອຄວາມສງັດໃນກາງເວັນ ເພື່ອກາຣຫລີກເຣັ້ນໃນກາງຄືນ ເມື່ອອະຣິຍະສາວົກນັ້ນເປັນຜູ້ບໍ່ປະມາທຢູ່ຢ່າງນີ້ ຍ່ອມເກີດປຣາໂມທ ເມື່ອເກີດປຣາໂມທ ຍ່ອມເກີດປີຕິ ເມື່ອໃຈມີປີຕິ ກາຍຍ່ອມສງົບ ຜູ້ມີກາຍສງົບ ຍ່ອມໄດ້ສະເຫວີຍສຸຂ ຈິຕຂອງຜູ້ມີຄວາມສຸຂ ຍ່ອມຕັ້ງໝັ້ນ ເມື່ອຈິຕຕັ້ງໝັ້ນ ທັມທັງຫລາຍຍ່ອມປາກົຕ ເພາະທັມທັງຫລາຍປາກົຕ ອະຣິຍະສາວົກນັ້ນຍ່ອມເຖິງຄວາມນັບວ່າ ຢູ່ດ້ວຍຄວາມບໍ່ປະມາທ.

ນັນທິຍະ! ອີກປະກາຣໜຶ່ງ ອະຣິຍະສາວົກເປັນຜູ້ປະກອບດ້ວຍຄວາມເຫລື້ອມໃສອັນບໍ່ຫວັ່ນໄຫວໃນພຣະສົງຄ໌ວ່າ ສົງຄ໌ສາວົກຂອງພຣະຜູ້ມີພຣະພາຄເຈົ້າ ເປັນຜູ້ປະຕິບັຕດີແລ້ວ, ເປັນຜູ້ປະຕິບັຕຕົງແລ້ວ, ເປັນຜູ້ປະຕິບັຕໃຫ້ຮູ້ທັມເຄື່ອງອອກຈາກທຸກຂ໌ແລ້ວ, ເປັນຜູ້ປະຕິບັຕສົມຄວນແລ້ວ, ໄດ້ແກ່ບຸຄຄົລເຫລົ່ານີ້ຄື ຄູ່ແຫ່ງບຸຣຸສສີ່ຄູ່ ນັບຮຽງຕົວບຸຣຸສໄດ້ ໘ ບຸຣຸສ ນັ້ນແຫລະຄື ສົງຄ໌ສາວົກຂອງພຣະຜູ້ມີພຣະພາຄເຈົ້າ, ເປັນສົງຄ໌ຄວນແກ່ສັກກາຣະທີ່ເຂົານຳມາບູຊາ, ເປັນສົງຄ໌ຄວນແກ່ສັກກາຣະທີ່ເຂົາຈັດໄວ້ຕ້ອນຮັບ, ເປັນສົງຄ໌ຄວນຮັບທັກຂິນາທານ, ເປັນສົງຄ໌ທີ່ບຸຄຄົລທົ່ວໄປຄວນທຳອັນຊະລີ, ເປັນສົງຄ໌ທີ່ເປັນນາບຸນຂອງໂລກ ບໍ່ມີນາບຸນອື່ນຍິ່ງກວ່າ ດັ່ງນີ້, ອະຣິຍະສາວົກນັ້ນບໍ່ພໍໃຈດ້ວຍຄວາມເຫລື້ອມໃສອັນບໍ່ຫວັ່ນໄຫວໃນພຣະສົງຄ໌ ພະຍາຍາມໃຫ້ຍິ່ງຂຶ້ນໄປ ເພື່ອຄວາມສງັດໃນກາງເວັນ ເພື່ອກາຣຫລີກເຣັ້ນໃນກາງຄືນ ເມື່ອອະຣິຍະສາວົກນັ້ນເປັນຜູ້ບໍ່ປະມາທຢູ່ຢ່າງນີ້ ຍ່ອມເກີດປຣາໂມທ ເມື່ອເກີດປຣາໂມທ ຍ່ອມເກີດປີຕິ ເມື່ອໃຈມີປີຕິ ກາຍຍ່ອມສງົບ ຜູ້ມີກາຍສງົບ ຍ່ອມໄດ້ສະເຫວີຍສຸຂ ຈິຕຂອງຜູ້ມີຄວາມສຸຂ ຍ່ອມຕັ້ງໝັ້ນ ເມື່ອຈິຕຕັ້ງໝັ້ນ ທັມທັງຫລາຍຍ່ອມປາກົຕ ເພາະທັມທັງຫລາຍປາກົຕ ອະຣິຍະສາວົກນັ້ນຍ່ອມເຖິງຄວາມນັບວ່າ ຢູ່ດ້ວຍຄວາມບໍ່ປະມາທ.

ນັນທິຍະ! ອີກປະກາຣໜຶ່ງ ອະຣິຍະສາວົກເປັນຜູ້ປະກອບດ້ວຍສີລທີ່ພຣະອະຣິຍະເຈົ້າໃຄ່ແລ້ວ ບໍ່ຂາດ ບໍ່ທະລຸ ບໍ່ດ່າງ ບໍ່ພ້ອຍ ເປັນອິສສະຣະ ວິນຍູຊົນສັນລະເສີນ ບໍ່ມີອັນໃດຄອບງຳ ເປັນໄປເພື່ອສະມາທິ ອະຣິຍະສາວົກນັ້ນບໍ່ພໍໃຈດ້ວຍສີລທີ່ພຣະອະຣິຍະເຈົ້າໃຄແລ້ວ ພະຍາຍາມໃຫ້ຍິ່ງຂຶ້ນໄປ ເພື່ອຄວາມສງັດໃນກາງເວັນ ເພື່ອກາຣຫລີກເຣັ້ນໃນກາງຄືນ ເມື່ອອະຣິຍະສາວົກນັ້ນເປັນຜູ້ບໍ່ປະມາທຢູ່ຢ່າງນີ້ ຍ່ອມເກີດປຣາໂມທ ເມື່ອເກີດປຣາໂມທ ຍ່ອມເກີດປີຕິ ເມື່ອໃຈມີປີຕິ ກາຍຍ່ອມສງົບ ຜູ້ມີກາຍສງົບ ຍ່ອມໄດ້ສະເຫວີຍສຸຂ ຈິຕຂອງຜູ້ມີຄວາມສຸຂ ຍ່ອມຕັ້ງໝັ້ນ ເມື່ອຈິຕຕັ້ງໝັ້ນ ທັມທັງຫລາຍຍ່ອມປາກົຕ ເພາະທັມທັງຫລາຍປາກົຕ ອະຣິຍະສາວົກນັ້ນຍ່ອມເຖິງຄວາມນັບວ່າ ຢູ່ດ້ວຍຄວາມບໍ່ປະມາທ.

ນັນທິຍະ! ອະຣິຍະສາວົກເປັນຜູ້ຢູ່ດ້ວຍຄວາມບໍ່ປະມາທເປັນຢ່າງນີ້ແລ.