ຂັນທ໌ ໕ ບໍ່ແມ່ນຂອງເຮົາ ຈົ່ງລະເສຍ

The Buddha's words

ສັງຍຸຕຕະນິກາຍ ຂັນທະວາຣະວັຄ ໑໗/໓໓/໗໑-໗໒

Photo by Daniel Brubaker on Unsplash

ພິກຂຸທັງຫລາຍ! ສິ່ງໃດບໍ່ແມ່ນຂອງພວກເຈົ້າທັງຫລາຍ ພວກເຈົ້າທັງຫລາຍຈົ່ງລະສິ່ງນັ້ນເສຍ ສິ່ງນັ້ນອັນພວກເຈົ້າທັງຫລາຍລະໄດ້ແລ້ວ ຈັກເປັນໄປເພື່ອປະໂຍຊນ໌ເກື້ອກູນ ເພື່ອຄວາມສຸຂ.

ພິກຂຸທັງຫລາຍ! ກໍອັນໃດບໍ່ແມ່ນຂອງພວກເຈົ້າທັງຫລາຍ?

ຣູປບໍ່ແມ່ນຂອງພວກເຈົ້າທັງຫລາຍ ພວກເຈົ້າທັງຫລາຍຈົ່ງລະຣູປນັ້ນເສຍ ຣູປນັ້ນອັນພວກເຈົ້າທັງຫລາຍລະໄດ້ແລ້ວ ຈັກເປັນໄປເພື່ອປະໂຍຊນ໌ເກື້ອກູນ ເພື່ອຄວາມສຸຂ.

ເວທະນາບໍ່ແມ່ນຂອງພວກເຈົ້າທັງຫລາຍ ພວກເຈົ້າທັງຫລາຍຈົ່ງລະເວທະນານັ້ນເສຍ ເວທະນານັ້ນອັນພວກເຈົ້າທັງຫລາຍລະໄດ້ແລ້ວ ຈັກເປັນໄປເພື່ອປະໂຍຊນ໌ເກື້ອກູນ ເພື່ອຄວາມສຸຂ.

ສັນຍາບໍ່ແມ່ນຂອງພວກເຈົ້າທັງຫລາຍ ພວກເຈົ້າທັງຫລາຍຈົ່ງລະສັນຍານັ້ນເສຍ ສັນຍານັ້ນອັນພວກເຈົ້າທັງຫລາຍລະໄດ້ແລ້ວ ຈັກເປັນໄປເພື່ອປະໂຍຊນ໌ເກື້ອກູນ ເພື່ອຄວາມສຸຂ.

ສັງຂາຣທັງຫລາຍບໍ່ແມ່ນຂອງພວກເຈົ້າທັງຫລາຍ ພວກເຈົ້າທັງຫລາຍຈົ່ງລະສັງຂາຣທັງຫລາຍນັ້ນເສຍ ສັງຂາຣທັງຫລາຍນັ້ນອັນພວກເຈົ້າທັງຫລາຍລະໄດ້ແລ້ວ ຈັກເປັນໄປເພື່ອປະໂຍຊນ໌ເກື້ອກູນ ເພື່ອຄວາມສຸຂ.

ວິນຍານບໍ່ແມ່ນຂອງພວກເຈົ້າທັງຫລາຍ ພວກເຈົ້າທັງຫລາຍຈົ່ງລະວິນຍານນັ້ນເສຍ ວິນຍານນັ້ນອັນພວກເຈົ້າທັງຫລາຍລະໄດ້ແລ້ວ ຈັກເປັນໄປເພື່ອປະໂຍຊນ໌ເກື້ອກູນ ເພື່ອຄວາມສຸຂ.

ພິກຂຸທັງຫລາຍ! ປຽບເໝືອນຊົນຍ່ອມນຳໄປ ຍ່ອມເຜົາ ຫລືກະທຳຕາມປັຈຈັຍເຊິ່ງຫຍ້າ ໄມ້ ກິ່ງໄມ້ ແລະໃບໄມ້ ໃນເຊຕະວັນວິຫາຣນີ້ ກໍພວກເຈົ້າທັງຫລາຍຍ່ອມຄິດຢ່າງນີ້ຫລືວ່າ ຊົນຍ່ອມນຳໄປ ຍ່ອມເຜົາ ຫລືກະທຳຕາມປັຈຈັຍເຊິ່ງເຮົາທັງຫລາຍ?

ພິກຂຸທັງຫລາຍກຣາບທູລວ່າ: ບໍ່ເປັນຢ່າງນັ້ນ ພຣະອົງຄ໌ຜູ້ຈະເຣີນ

ຂໍ້ນັ້ນເພາະເຫຕໃດ?

ຂ້າແຕ່ພຣະອົງຄ໌ຜູ້ຈະເຣີນ! ເພາະສິ່ງນັ້ນບໍ່ແມ່ນຕົນ ຫລືສິ່ງທີ່ເນື່ອງດ້ວຍຕົນ.

ພິກຂຸທັງຫລາຍ! ສັນນັ້ນເໝືອນກັນ ຣູປບໍ່ແມ່ນຂອງພວກເຈົ້າທັງຫລາຍ ພວກເຈົ້າທັງຫລາຍຈົ່ງລະຣູປນັ້ນເສຍ ຣູປນັ້ນອັນພວກເຈົ້າທັງຫລາຍລະໄດ້ແລ້ວ ຈັກເປັນໄປເພື່ອປະໂຍຊນ໌ເກື້ອກູນ ເພື່ອຄວາມສຸຂ.

ເວທະນາບໍ່ແມ່ນຂອງພວກເຈົ້າທັງຫລາຍ ພວກເຈົ້າທັງຫລາຍຈົ່ງລະເວທະນານັ້ນເສຍ ເວທະນານັ້ນອັນພວກເຈົ້າທັງຫລາຍລະໄດ້ແລ້ວ ຈັກເປັນໄປເພື່ອປະໂຍຊນ໌ເກື້ອກູນ ເພື່ອຄວາມສຸຂ.

ສັນຍາບໍ່ແມ່ນຂອງພວກເຈົ້າທັງຫລາຍ ພວກເຈົ້າທັງຫລາຍຈົ່ງລະສັນຍານັ້ນເສຍ ສັນຍານັ້ນອັນພວກເຈົ້າທັງຫລາຍລະໄດ້ແລ້ວ ຈັກເປັນໄປເພື່ອປະໂຍຊນ໌ເກື້ອກູນ ເພື່ອຄວາມສຸຂ.

ສັງຂາຣທັງຫລາຍບໍ່ແມ່ນຂອງພວກເຈົ້າທັງຫລາຍ ພວກເຈົ້າທັງຫລາຍຈົ່ງລະສັງຂາຣທັງຫລາຍນັ້ນເສຍ ສັງຂາຣທັງຫລາຍນັ້ນອັນພວກເຈົ້າທັງຫລາຍລະໄດ້ແລ້ວ ຈັກເປັນໄປເພື່ອປະໂຍຊນ໌ເກື້ອກູນ ເພື່ອຄວາມສຸຂ.

ວິນຍານບໍ່ແມ່ນຂອງພວກເຈົ້າທັງຫລາຍ ພວກເຈົ້າທັງຫລາຍຈົ່ງລະວິນຍານນັ້ນເສຍ ວິນຍານນັ້ນອັນພວກເຈົ້າທັງຫລາຍລະໄດ້ແລ້ວ ຈັກເປັນໄປເພື່ອປະໂຍຊນ໌ເກື້ອກູນ ເພື່ອຄວາມສຸຂ.