The Buddha's words
ຂຸທທະກະນິກາຍ ຂຸທທະກະປາຖະ-ທັມມະບົທ-ອຸທານ-ອິຕິວຸຕຕະກະ-ສຸຕຕະນິບາທ ໒໕/໑໑໖/໑໒໔
ສມັຍໜຶ່ງ ພຣະຜູ້ມີພຣະພາຄປະທັບຢູ່ທີ່ພຣະວິຫາຣເຊຕະວັນ ກລັນທະກະນິວາປະສະຖານ ໃກ້ພຣະນະຄອຣຣາຊະຄຶຫ໌ ກໍສມັຍນັ້ນ ໃນວັນອຸໂປສົຖ ເວລາເຊົ້າ ທ່ານພຣະອານົນທ໌ນຸ່ງແລ້ວ ຖືບາຕແລະຈີວອຣ ເຂົ້າໄປບິນທະບາຕໃນພຣະນະຄອຣຣາຊະຄຶຫ໌ ພຣະເທວະທັຕໄດ້ເຫັນທ່ານພຣະອານົນທ໌ກຳລັງທ່ຽວບິນທະບາຕຢູ່ໃນພຣະນະຄອຣຣາຊະຄຶຫ໌ ຈິ່ງເຂົ້າໄປຫາທ່ານພຣະອານົນທ໌ ແລ້ວໄດ້ກ່າວກັບທ່ານພຣະອານົນທ໌ວ່າ:
ອາວຸໂສອານົນທ໌! ບັດນີ້ ຂ້ານ້ອຍຈັກກະທຳອຸໂປສົຖສັງຄະກັມແຍກຈາກພຣະຜູ້ມີພຣະພາຄ ແຍກຈາກພິກຂຸສົງຄ໌ຕັ້ງແຕ່ວັນນີ້ເປັນຕົ້ນໄປ.
ຄັ້ງນັ້ນ ທ່ານພຣະອານົນທ໌ທ່ຽວບິນທະບາຕໃນພຣະນະຄອຣຣາຊະຄຶຫ໌ ກັບຈາກບິນທະບາຕ ພາຍຫລັງສັນອາຫາຣແລ້ວ ເຂົ້າໄປເຝົ້າພຣະຜູ້ມີພຣະພາຄເຖິງທີ່ປະທັບ ກຣາບອະພິວາທແລ້ວນັ່ງໃນທີ່ຄວນສ່ວນຂ້າງໜຶ່ງ ຄັນແລ້ວໄດ້ກຣາບທູລພຣະຜູ້ມີພຣະພາຄວ່າ:
ຂ້າແຕ່ພຣະອົງຄ໌ຜູ້ຈະເຣີນ! ຂໍປະທານພຣະວະໂຣກາສ ເວລາເຊົ້າ ຂ້ານ້ອຍນຸ່ງແລ້ວ ຖືບາຕແລະຈີວອຣ ເຂົ້າໄປບິນທະບາຕໃນພຣະນະຄອຣຣາຊະຄຶຫ໌ ພຣະເທວະທັຕໄດ້ເຫັນຂ້ານ້ອຍກຳລັງທ່ຽວບິນທະບາຕຢູ່ໃນພຣະນະຄອຣຣາຊະຄຶຫ໌ ຈິ່ງເຂົ້າໄປຫາຂ້ານ້ອຍແລ້ວໄດ້ກ່າວກັບຂ້ານ້ອຍວ່າ ອາວຸໂສອານົນທ໌ ບັດນີ້ ຂ້ານ້ອຍຈັກກະທຳອຸໂປສົຖສັງຄະກັມແຍກຈາກພຣະຜູ້ມີພຣະພາຄ ແຍກຈາກພິກຂຸສົງຄ໌ຕັ້ງແຕ່ວັນນີ້ເປັນຕົ້ນໄປ.
ຂ້າແຕ່ພຣະອົງຄ໌ຜູ້ຈະເຣີນ! ວັນນີ້ ພຣະເທວະທັຕຈັກທຳລາຍສົງຄ໌ ຈະກະທຳອຸໂປສົຖແລະສັງຄະກັມ.
ລຳດັບນັ້ນແລ ພຣະຜູ້ມີພຣະພາຄຊົງຊາບເນື້ອຄວາມນັ້ນແລ້ວ ຊົງເປັ່ງອຸທານໃນເວລານັ້ນວ່າ:
ຄວາມດີ ຄົນດີເຮັດໄດ້ງ່າຍ,
ຄວາມດີ ຄົນຊົ່ວເຮັດໄດ້ຍາກ,
ຄວາມຊົ່ວ ຄົນຊົ່ວເຮັດໄດ້ງ່າຍ,
ຄວາມຊົ່ວ ພຣະອະຣິຍະເຈົ້າທັງຫລາຍເຮັດໄດ້ຍາກ.
🌷🙏🙏🙏🌷ໃນພຣະທັມຄຳສອນຂອງພຣະຕຖາຄົຕ ຂ້ານ້ອຍ
💕 🙏🙏🙏💕
🙏🙏🙏ສາທຸ