ທັມທີ່ເປັນໄປເພື່ອສັ່ງສົມກິເລສ ແລະທັມທີ່ບໍ່ເປັນໄປເພື່ອສັ່ງສົມກິເລສ

The Buddha's Words

ອັງຄຸຕຕຣະນະກາຍ ທະສະກະ-ເອກາທະສະກະນິບາຕ ໒໔/໒໑໖/໑໔໒

Photo by Thomas Oxford on Unsplash

ພິກຂຸທັງຫລາຍ! ເຮົາຈັກສະແດງທັມທີ່ເປັນໄປເພື່ອສັ່ງສົມກິເລສ ແລະທັມທີ່ບໍ່ເປັນໄປເພື່ອສັ່ງສົມກິເລສ (ອາຈະຍະຄາມິນຈະ ໂວ ພິກຂະເວ ທັມມັງ ເທສິສສາມິ ອະປະຈະຍະຄາມິນຈະ ຕັງ) ແກ່ພວກເຈົ້າທັງຫລາຍ ພວກເຈົ້າທັງຫລາຍຈົ່ງຟັງ ຈົ່ງໃສ່ໃຈໃຫ້ດີ ເຮົາຈັກກ່າວ.

ພິກຂຸເຫລົ່ານັ້ນທູລຮັບພຣະຜູ້ມີພຣະພາຄແລ້ວ ພຣະຜູ້ມີພຣະພາຄໄດ້ຕຣັສວ່າ:

ພິກຂຸທັງຫລາຍ! ກໍທັມທີ່ເປັນໄປເພື່ອສັ່ງສົມກິເລສເປັນຢ່າງໃດ? ຄື ມິຈສາທິຕຖິ ມິຈສາສັງກັປປະ ມິຈສາວາຈາ ມິຈສາກັມມັນຕະ ມິຈສາອາຊີວະ ມິຈສາວາຍາມະ ມິຈສາສະຕິ ມິຈສາສະມາທິ ມິຈສາຍານະ ມິຈສາວິມຸຕ. ພິກຂຸທັງຫລາຍ ນີ້ຮຽກວ່າ ທັມທີ່ເປັນໄປເພື່ອສັ່ງສົມກິເລສ.

ພິກຂຸທັງຫລາຍ! ກໍທັມທີ່ບໍ່ເປັນໄປເພື່ອສັ່ງສົມກິເລສເປັນຢ່າງໃດ? ຄື ສັມມາທິຕຖິ ສັມມາສັງກັປປະ ສັມມາວາຈາ ສັມມາກັມມັນຕະ ສັມມາອາຊີວະ ສັມມາວາຍາມະ ສັມມາສະຕິ ສັມມາສະມາທິ ສັມມາຍານະ ສັມມາວິມຸຕ. ພິກຂຸທັງຫລາຍ ນີ້ຮຽກວ່າ ທັມທີ່ບໍ່ເປັນໄປເພື່ອສັ່ງສົມກິເລສ.