ວ່າດ້ວຍສັກກາຍະ ສັກກາຍະສະມຸທັຍ ສັກກາຍະນິໂຣທ ແລະສັກກາຍະນິໂຣທະຄາມິນີປະຕິປະທາ

The Buddha's words

ສັງຍຸຕຕະນິກາຍ ຂັນທະວາຣະວັຄ ໑໗/໑໕໑/໒໘໔

Photo by form PxHere

ທີ່ພຣະນະຄອຣສາວັຕຖີ. ພິກຂຸທັງຫລາຍ ເຮົາຈັກສະແດງສັກກາຍະ ສັກກາຍະສະມຸທັຍ ສັກກາຍະນິໂຣທ ແລະສັກກາຍະນິໂຣທະຄາມິນີປະຕິປະທາ ແກ່ພວກເຈົ້າທັງຫລາຍ ພວກເຈົ້າທັງຫລາຍຈົ່ງຟັງ.

ພິກຂຸທັງຫລາຍ! ສັກກາຍະເປັນຢ່າງໃດ? ຄວນກ່າວວ່າ ອຸປາທານຂັນທ໌ ໕; ອຸປາທານຂັນທ໌ ໕ ເປັນຢ່າງໃດ? ໄດ້ແກ່ ອຸປາທານຂັນທ໌ຄືຣູປ, ອຸປາທານຂັນທ໌ຄືເວທະນາ, ອຸປາທານຂັນທ໌ຄືສັນຍາ, ອຸປາທານຂັນທ໌ຄືສັງຂາຣທັງຫລາຍ, ອຸປາທານຂັນທ໌ຄືວິນຍານ. ພິກຂຸທັງຫລາຍ ນີ້ຮຽກວ່າ ສັກກາຍະ.

ພິກຂຸທັງຫລາຍ! ສັກກາຍະສະມຸທັຍເປັນຢ່າງໃດ? ຕັນຫານີ້ເອງ ອັນເປັນເຄື່ອງນຳໃຫ້ມີກາຣເກີດໃນພົພໃໝ່ ປະກອບດ້ວຍຄວາມກຳນັດດ້ວຍອຳນາຈແຫ່ງຄວາມເພີນ ເພີດເພີນຢ່າງຍິ່ງໃນອາຣົມນັ້ນໆ ໄດ້ແກ່ ກາມຕັນຫາ, ພະວະຕັນຫາ, ວິພະວະຕັນຫາ. ພິກຂຸທັງຫລາຍ ນີ້ຮຽກວ່າ ສັກກາຍະສະມຸທັຍ.

ພິກຂຸທັງຫລາຍ! ສັກກາຍະນິໂຣທເປັນຢ່າງໃດ? ເພາະຄວາມຈາງຄາຍດັບໄປໂດຍບໍ່ເຫລືອແຫ່ງຕັນຫານັ້ນໆແລ ຄວາມສະລະ ຄວາມສະລັດຖິ້ມໄປ ຄວາມປ່ອຍວາງ ຄວາມບໍ່ອາລັຍເຊິ່ງຕັນຫານັ້ນ. ພິກຂຸທັງຫລາຍ ນີ້ຮຽກວ່າ ສັກກາຍະນິໂຣທ.

ພິກຂຸທັງຫລາຍ! ສັກກາຍະນິໂຣທະຄາມິນີປະຕິປະທາເປັນຢ່າງໃດ? ຄື ອະຣິຍະມັຄປະກອບດ້ວຍອົງຄ໌ ໘ ນີ້ເອງຄື ສັມມາທິຕຖິ, ສັມມາສັງກັປປະ, ສັມມາວາຈາ, ສັມມາກັມມັນຕະ ສັມມາອາຊີວະ, ສັມມາວາຍາມະ, ສັມມາສະຕິ, ສັມມາສະມາທິ. ພິກຂຸທັງຫລາຍ ນີ້ຮຽກວ່າ ສັກກາຍະນິໂຣທະຄາມິນີປະຕິປະທາ.