ກາຣປະຕິບັຕປະຕິປະທາທີ່ສົມຄວນແກ່ຄະຣືຫັສຖ໌

The Buddha's words

ອັງຄຸຕຕະຣະນິກາຍ ຈະຕຸກກະນິບາຕ ໒໑/໖໓-໖໔/໖໐

ຄັ້ງນັ້ນແລ ທ່ານອະນາຖະບິນດິກະຄະຫະບໍດີເຂົ້າໄປເຝົ້າພຣະຜູ້ມີພຣະພາຄເຖິງທີ່ປະທັບ ຖວາຍບັງຄົມພຣະຜູ້ມີພຣະພາຄແລ້ວ ນັ່ງໃນທີ່ຄວນສ່ວນຂ້າງໜຶ່ງ ຄັນແລ້ວ ພຣະຜູ້ມີພຣະພາຄໄດ້ຕຣັສວ່າ:

ຄະຫະບໍດີ! ອະຣິຍະສາວົກຜູ້ປະກອບດ້ວຍທັມ ໔ ປະກາຣ ຊື່ວ່າເປັນຜູ້ປະຕິບັຕປະຕິປະທາອັນສົມຄວນແກ່ຄະຣືຫັສຖ໌ ອັນເປັນເຫຕໃຫ້ໄດ້ຍົສ ແລະເປັນໄປເພື່ອເກີດໃນສວັນ. ທັມ ໔ ປະກາຣເປັນຢ່າງໃດ?

ຄະຫະບໍດີ! ອະຣິຍະສາວົກໃນທັມວິນັຍນີ້ ເປັນຜູ້ບຳຣຸງພິກຂຸສົງຄ໌ດ້ວຍຈີວອຣ, ບຳຣຸງພິກຂຸສົງຄ໌ດ້ວຍບິນທະບາຕ, ບຳຣຸງພິກຂຸສົງຄ໌ດ້ວຍເສນາສະນະ, ບຳຣຸງພິກຂຸສົງຄ໌ດ້ວຍຄິລານະປັຈຈັຍເພສັຊບໍຣິຂາຣ. ຄະຫະບໍດີ! ອະຣິຍະສາວົກຜູ້ປະກອບດ້ວຍທັມ ໔ ປະກາຣນີ້ແລ ຊື່ວ່າເປັນຜູ້ປະຕິບັຕປະຕິປະທາອັນສົມຄວນແກ່ຄະຣືຫັສຖ໌ ອັນເປັນເຫຕໃຫ້ໄດ້ຍົສ ແລະເປັນໄປເພື່ອເກີດໃນສວັນ.

ບັນດິຕທັງຫລາຍບຳຣຸງທ່ານຜູ້ມີສີລ ຜູ້ດຳເນີນໄປໂດຍຊອບດ້ວຍຈີວອຣ ບິນທະບາຕ ເສນາສະນະ ແລະຄິລານະປັຈຈັຍເພສັຊບໍຣິຂາຣ ຊື່ວ່າຍ່ອມປະຕິບັຕປະຕິປະທາອັນສົມຄວນແກ່ຄະຣືຫັສຖ໌ ບຸນຍ໌ຍ່ອມຈະເຣີນແກ່ເຂົາທຸກເມື່ອ ທັງກາງເວັນແລະກາງຄືນ ເຂົາກະທຳກັມອັນຈະເຣີນແລ້ວ ຍ່ອມເຂົ້າເຖິງຖານະຄືສວັນ.