Search Results

ອ່ານພຣະສູຕ ''ພິກຂຸທັງຫລາຍ ເຮົາສັນລະເສີນກາຣປະຕິບັຕຊອບຂອງບຸຄຄົລ ໒ ຈໍາພວກຄື ຄະຣືຫັສຖ໌ຫລືບັນພະຊິຕ. ພິກຂຸທັງຫລາຍ ຄະຣືຫັສຖ໌ຫລືບັນພະຊິຕປະຕິບັຕຊອບແລ້ວ ຍ່ອມຍັງກຸສົລທັມທີ່ນຳອອກໃຫ້ສຳເຣັຈໄດ້ ເພາະກາຣປະຕິບັຕຊອບເປັນເຫຕ.'' ພຣະສູຕຕ່າງໆ Jun 7, 2025 ສັຕທັງຫລາຍປະພຶຕຊອບໃນເວລາໃດ ເວລານັ້ນຊື່ວ່າ ເປັນເຣີກດີ... ພິກຂຸທັງຫລາຍ! ສັຕເຫລົ່າໃດປະພຶຕກາຍສຸຈະຣິຕ ປະພຶຕວະຈີສຸຈະຣິຕ ປະພຶຕມະໂນສຸຈະຣິຕ ໃນເວລາເຊົ້າ ເວລາເຊົ້າກໍເປັນເວລາເຊົ້າທີ່ດີຂອງສັຕເຫລົ່ານັ້ນ. Read More Jun 8, 2025 ກາຣບູຊາພຣົມແຕ່ບໍ່ເຄີຍຮູ້ເຣື່ອງຂອງພຣົມ ສມັຍໜຶ່ງ ພຣະຜູ້ມີພຣະພາຄປະທັບຢູ່ທີ່ພຣະວິຫາຣເຊຕະວັນ ອາຣາມຂອງທ່ານອະນາຖະບິນດິກະເສດຖີ ເຂຕພຣະນະຄອຣສາວັຕຖີ Read More Jun 8, 2025 ມຸງຄຸລໃນພຸທທະສາສນາ ສມັຍໜຶ່ງ ພຣະຜູ້ມີພຣະພາຄປະທັບຢູ່ທີ່ພຣະວິຫາຣເຊຕະວັນ ອາຣາມຂອງທ່ານອະນາຖະບິນດິກະເສດຖີ ໃກ້ພຣະນະຄອຣສາວັຕຖີ ຄັ້ງນັ້ນແລ ເທວະດາອົງຄ໌ໜຶ່ງ ເມື່ອປະຖົມຍາມລ່ວງໄປ ມີຣັສມີອັນງົດງາມຢ່າງຍິ່ງ ກະທຳພຣະວິຫາຣເຊຕະວັນທັງສິ້ນໃຫ້ສວ່າງສະໄຫວ ເຂົ້າໄປເຝົ້າພຣະຜູ້ມີພຣະພາຄເຖິງທີ່ປະທັບ ຖວາຍບັງຄົມແລ້ວຢືນຢູ່ໃນທີ່ຄວນສ່ວນຂ້າງໜຶ່ງ ຄັນແລ້ວໄດ້ກຣາບທູລພຣະຜູ້ມີພຣະພາຄດ້ວຍຄາຖາວ່າ: Read More Jun 8, 2025 ຄວາມບໍຣິສຸທຍ່ອມບໍ່ມີເພາະນ້ຳ ແຕ່ສັຈຈະແລະທັມຕ່າງຫາກທີ່ກະທຳໃຫ້ບໍຣິສຸທໄດ້ ສມັຍໜຶ່ງ ພຣະຜູ້ມີພຣະພາຄປະທັບຢູ່ທີ່ຄະຍາສີສະປະເທສ ໃກ້ໝູ່ບ້ານຄະຍາ ກໍໃນສມັຍນັ້ນ ພວກຊະດິນຈຳນວນຫລາຍພາກັນຜຸດຂຶ້ນ ມຸດລົງ ຜຸດຂຶ້ນແລະມຸດລົງໃນນ້ຳ ຣົດນ້ຳແດ່ ບູຊາໄຟແດ່ ໃນແມ່ນ້ຳຄະຍາ ໃນທ່າມກາງຫິມະຕົກກະໜ່ຳຕລອດ ໗ ວັນ ໃນຣາຕຣີແຫ່ງຄວາມເໜັບໜາວ ດ້ວຍຄິດວ່າ ຄວາມບໍຣິສຸທຍ່ອມມີໄດ້ດ້ວຍວິທີນີ້. Read More Jun 8, 2023 ຄວາມບໍຣິສຸທຍ່ອມບໍ່ມີເພາະນ້ຳ ທີ່ນະຄອຣສາວັຕຖີ. ສມັຍນັ້ນ ສັງຄະຣະວະພຣາມນ໌ອາສັຍຢູ່ໃນນະຄອຣສາວັຕຖີ ມີລັທທິທີ່ເຊື່ອຖືຄວາມບໍຣິສຸທດ້ວຍນ້ຳ ປາຖນາຄວາມບໍຣິສຸທດ້ວຍນ້ຳ ຖືກາຣລົງອາບນ້ຳຊຳຣະຮ່າງກາຍທັງເວລາແລງແລະເວລາເຊົ້າເປັນປະຈຳ. Read More Jun 5, 2025 ນັນທະກະມະຫາອະມາຕຍ໌ຕ້ອງກາຣອາບນ້ຳພາຍໃນ ຄືຄວາມເຫລື້ອມໃສໃນພຣະຜູ້ມີພຣະພາຄ ສມັຍໜຶ່ງ ພຣະຜູ້ມີພຣະພາຄປະທັບຢູ່ທີ່ກູຕາຄາຣະສາລາ ໃນປ່າມະຫາວັນ ໃກ້ເມືອງເວສາລີ. ຄັ້ງນັ້ນ ມະຫາອະມາຕຍ໌ຂອງເຈົ້າລິຈສະວີຊື່ ນັນທະກະ ເຂົ້າໄປເຝົ້າພຣະຜູ້ມີພຣະພາຄເຖິງທີ່ປະທັບ ຖວາຍບັງຄົມພຣະຜູ້ມີພຣະພາຄແລ້ວ ນັ່ງໃນທີ່ຄວນສ່ວນຂ້າງໜຶ່ງ ຄັນແລ້ວ ພຣະຜູ້ມີພຣະພາຄໄດ້ຕຣັສກັບມະຫາອະມາຕຍ໌ຂອງເຈົ້າລິຈສະວີຊື່ນັນທະກະວ່າ: Read More

< Back ກາຣບູຊາພຣົມແຕ່ບໍ່ເຄີຍຮູ້ເຣື່ອງຂອງພຣົມ The Buddha's words Jun 8, 2025 ສມັຍໜຶ່ງ ພຣະຜູ້ມີພຣະພາຄປະທັບຢູ່ທີ່ພຣະວິຫາຣເຊຕະວັນ ອາຣາມຂອງທ່ານອະນາຖະບິນດິກະເສດຖີ ເຂຕພຣະນະຄອຣສາວັຕຖີ ກໍສມັຍນັ້ນ ບຸຕຂອງນາງພຣາມມະນີຄົນໜຶ່ງຊື່ ພຣົມເທວະ ອອກບວຊໃນສຳນັກຂອງພຣະຜູ້ມີພຣະພາຄ. ຄັ້ງນັ້ນ ທ່ານພຣະພຣົມເທວະເປັນຜູ້ຫລີກອອກຈາກໝູ່ ຢູ່ຜູ້ດຽວ ບໍ່ປະມາທ ມີຄວາມພຽນ ມີຕົນອັນສົ່ງໄປແລ້ວ ບໍ່ນານເທົ່າໃດ ກໍໄດ້ກະທຳໃຫ້ແຈ້ງເຊິ່ງຄຸນວິເສສອັນຍອດຢ້ຽມເປັນທີ່ສຸດແຫ່ງພຣົມມະຈັນຍ໌ ທີ່ກຸລະບຸຕທັງຫລາຍຜູ້ອອກຈາກເຮືອນບວຊເປັນບັນພະຊິຕໂດຍຊອບມີຄວາມຕ້ອງກາຣ ດ້ວຍປັນຍາອັນຍິ່ງເອງໃນປັຈຈຸບັນເຂົ້າເຖິງຢູ່ ທ່ານໄດ້ຊາບວ່າ ຊາຕສິ້ນແລ້ວ ພຣົມມະຈັນຍ໌ຢູ່ຈົບແລ້ວ ກິຈທີ່ຄວນທຳ ໄດ້ທຳສຳເຣັຈແລ້ວ ກິຈອື່ນເພື່ອຄວາມເປັນຢ່າງນີ້ບໍ່ໄດ້ມີອີກ ທ່ານພຣະພຣົມເທວະກໍໄດ້ເປັນພຣະອະຣະຫັນຕ໌ອົງຄ໌ໜຶ່ງໃນບັນດາພຣະອະຣະຫັນຕ໌ທັງຫລາຍ. ຄັ້ງນັ້ນ ໃນເວລາຮຸ່ງເຊົ້າ ທ່ານພຣະພຣົມເທວະນຸ່ງຮົ່ມແລ້ວ ຖືບາຕແລະຈີວອຣເຂົ້າໄປບິນທະບາຕໃນພຣະນະຄອຣສາວັຕຖີ ທ່ານທ່ຽວບິນທະບາຕໃນພຣະນະຄອຣສາວັຕຖີຕາມລຳດັບ ໄດ້ເຂົ້າໄປຍັງນິເວສແຫ່ງມາຣດາຂອງຕົນ. ກໍສມັຍນັ້ນ ນາງພຣາມມະນີຜູ້ເປັນມາຣດາຂອງທ່ານພຣະພຣົມເທວະ ຖືກາຣບູຊາ(ກ້ອນເຂົ້າ) ແກ່ພຣົມເປັນນິຈ. ຄັ້ງນັ້ນ ທ້າວສະຫັມບໍດີພຣົມຄິດວ່າ ນາງພຣາມມະນີຜູ້ເປັນມາຣດາຂອງທ່ານພຣະພຣົມເທວະນີ້ຖືກາຣບູຊາກ້ອນເຂົ້າແກ່ພຣົມເປັນນິຈ ເປັນຫຍັງເຮົາຈຶ່ງບໍ່ເຂົ້າໄປຫານາງແລ້ວກະທຳໃຫ້ສະຫລົດໃຈ. ລຳດັບນັ້ນ ທ້າວສະຫັມບໍດີພຣົມຫາຍໄປຈາກພຣົມມະໂລກມາປາກົຕທີ່ນິເວສຂອງມາຣດາຂອງທ່ານພຣະພຣົມເທວະ ປຽບ ເໝືອນບຸຣຸສທີ່ມີກຳລັງຢຽດແຂນທີ່ຄູ້ຫລືຄູ້ແຂນທີ່ຢຽດ ສັນນັ້ນ. ຄັ້ງນັ້ນ ທ້າວສະຫັມບໍດີພຣົມລອຍຢູ່ໃນອາກາສໄດ້ກ່າວກັບນາງພຣາມມະນີຜູ້ເປັນມາຣດາຂອງທ່ານພຣະພຣົມເທວະດ້ວຍຄາຖາທັງຫລາຍວ່າ: ດູກ່ອນນາງພຣາມມະນີ! ທ່ານຖືກາຣບູຊາກ້ອນເຂົ້າແກ່ພຣົມໃດເປັນນິຈ ພຣົມມະໂລກຂອງພຣົມນັ້ນຢູ່ຫ່າງໄກຈາກທີ່ນີ້. ດູກ່ອນນາງພຣາມມະນີ! ພັກສາ(ອາຫາຣ) ຂອງພຣົມບໍ່ເປັນເຊັ່ນນີ້ ທ່ານບໍ່ຮູ້ຈັກທາງຂອງພຣົມ ເຫຕໃດທ່ານຈຶ່ງບົ່ນເຖິງພຣົມ. ດູກ່ອນນາງພຣາມມະນີ! ກໍທ່ານພຣະພຣົມເທວະຂອງທ່ານນັ້ນເປັນຜູ້ໝົດອຸປະທິກິເລສ ເຖິງຄວາມເປັນອະຕິເທພ ບໍ່ມີກິເລສເຄື່ອງກັງວົນ ມີປົກກະຕິຂໍ ບໍ່ລ້ຽງດູຜູ້ອື່ນ ທ່ານພຣະພຣົມເທວະທີ່ເຂົ້າໄປສູ່ເຮືອນຂອງທ່ານເພື່ອບິນທະບາຕເປັນຜູ້ສົມຄວນແກ່ກ້ອນເຂົ້າທີ່ບຸຄຄົລຄວນນຳມາບູຊາ ເປັນຜູ້ເຖິງເວທ ມີຕົນອັນອົບຮົມແລ້ວ ສົມຄວນແກ່ທັກຂິນາທານຂອງມະນຸສແລະເທວະດາທັງຫລາຍ ລອຍບາບເສຍແລ້ວ ປາສະຈາກມົລທິນ(ອະນູປະຣິຕໂຕ) ເປັນຜູ້ເຢັນ ກຳລັງທ່ຽວສະແຫວງຫາອາຫາຣຢູ່. ອະດີຕ ອະນາຄົຕບໍ່ມີແກ່ທ່ານພຣະພຣົມເທວະນັ້ນ ທ່ານພຣະພຣົມເທວະເປັນຜູ້ສງົບຣະງັບ ປາສະຈາກຄວັນ ບໍ່ມີທຸກຂ໌ ບໍ່ມີຄວາມຫວັງ ວາງອາຊຍາໃນປຸຖຸຊົນຜູ້ຍັງມີຄວາມຫວາດຫວັ່ນ ແລະພຣະຂີນາສົພຜູ້ໝັ້ນຄົງແລ້ວ ຂໍທ່ານ ພຣະພຣົມເທວະນັ້ນຈົ່ງບໍຣິໂພຄບິນທະບາຕອັນເລີດທີ່ສຳລັບບູຊາພຣົມຂອງທ່ານ. ທ່ານພຣະພຣົມເທວະເປັນຜູ້ມີເສນາມາຣໄປປາສະຈາກແລ້ວ ມີຈິຕສງົບຣະງັບ ຝຶກຕົນແລ້ວ ທ່ຽວໄປເໝືອນຊ້າງຕົວປະເສີດ ບໍ່ຫວັ່ນໄຫວ ເປັນພິກຂຸມີສີລ ມີຈິຕຫລຸດພົ້ນດີແລ້ວ ຂໍທ່ານພຣະພຣົມເທວະນັ້ນຈົ່ງບໍຣິໂພຄບິນທະບາຕອັນເລີດທີ່ສຳລັບບູຊາພຣົມຂອງທ່ານ. ທ່ານຈົ່ງເປັນຜູ້ເຫລື້ອມໃສໃນທ່ານພຣະພຣົມເທວະນັ້ນ ເປັນຜູ້ບໍ່ຫວັ່ນໄຫວ ຕັ້ງທັກຂິນາໄວ້ໃນທ່ານຜູ້ເປັນທັກຂິເນີຍຍະບຸຄຄົລ. ດູກ່ອນນາງພຣາມມະນີ! ທ່ານເຫັນມຸນີຜູ້ມີໂອຄະອັນຂ້າມແລ້ວຈົ່ງກະທຳບຸນຍ໌ ເຊິ່ງຈະນຳຄວາມສຸຂມາໃຫ້ຕໍ່ໄປ. ທ່ານຈົ່ງເປັນຜູ້ເຫລື້ອມໃສໃນທ່ານພຣະພຣົມເທວະນັ້ນ ເປັນຜູ້ບໍ່ຫວັ່ນໄຫວ ຕັ້ງທັກຂິນາໄວ້ໃນທ່ານຜູ້ເປັນທັກຂິເນີຍຍະບຸຄຄົລ. ດູກ່ອນນາງພຣາມມະນີ! ທ່ານເຫັນມຸນີຜູ້ມີໂອຄະອັນຂ້າມແລ້ວຈົ່ງກະທຳບຸນຍ໌ ເຊິ່ງຈະນຳຄວາມສຸຂມາໃຫ້ຕໍ່ໄປ. ສັງຍຸຕຕະນິກາຍ ສະຄາຖະວັຄ ໑໕/໑໗໒/໕໖໓ Previous Next

< Back ນັນທະກະມະຫາອະມາຕຍ໌ຕ້ອງກາຣອາບນ້ຳພາຍໃນ ຄືຄວາມເຫລື້ອມໃສໃນພຣະຜູ້ມີພຣະພາຄ The Buddha's words Jun 5, 2025 ສມັຍໜຶ່ງ ພຣະຜູ້ມີພຣະພາຄປະທັບຢູ່ທີ່ກູຕາຄາຣະສາລາ ໃນປ່າມະຫາວັນ ໃກ້ເມືອງເວສາລີ. ຄັ້ງນັ້ນ ມະຫາອະມາຕຍ໌ຂອງເຈົ້າລິຈສະວີຊື່ ນັນທະກະ ເຂົ້າໄປເຝົ້າພຣະຜູ້ມີພຣະພາຄເຖິງທີ່ປະທັບ ຖວາຍບັງຄົມພຣະຜູ້ມີພຣະພາຄແລ້ວ ນັ່ງໃນທີ່ຄວນສ່ວນຂ້າງໜຶ່ງ ຄັນແລ້ວ ພຣະຜູ້ມີພຣະພາຄໄດ້ຕຣັສກັບມະຫາອະມາຕຍ໌ຂອງເຈົ້າລິຈສະວີຊື່ນັນທະກະວ່າ: ດູກ່ອນນັນທະກະ! ອະຣິຍະສາວົກຜູ້ປະກອບດ້ວຍທັມ ໔ ປະກາຣ ເປັນໂສດາບັນ ມີຄວາມບໍ່ຕົກຕ່ຳເປັນທັມມະດາ ເປັນຜູ້ທ່ຽງທີ່ຈະຕຣັສຮູ້ໃນເບື້ອງໜ້າ. ທັມ ໔ ປະກາຣເປັນຢ່າງໃດ? ດູກ່ອນນັນທະກະ! ອະຣິຍະສາວົກໃນທັມວິນັຍນີ້ ປະກອບດ້ວຍຄວາມເຫລື້ອມໃສອັນບໍ່ຫວັ່ນໄຫວໃນພຣະພຸທທະເຈົ້າວ່າ ເພາະເຫຕຢ່າງນີ້ໆ ພຣະຜູ້ມີພຣະພາຄພຣະອົງຄ໌ນັ້ນ ເປັນ ພຣະອະຣະຫັນຕ໌, ຕຣັສຮູ້ເອງໂດຍຊອບ, ເຖິງພ້ອມດ້ວຍວິຊຊາແລະຈະຣະນະ, ສະເດັຈໄປດີແລ້ວ, ຊົງຮູ້ແຈ້ງໂລກ, ເປັນສາຣະຖີຝຶກບຸຣຸສທີ່ຄວນຝຶກບໍ່ມີຜູ້ອື່ນຍິ່ງກວ່າ, ເປັນສາສດາຂອງເທວະດາແລະມະນຸສທັງຫລາຍ, ເປັນຜູ້ເບີກບານແລ້ວ, ເປັນຜູ້ຈຳແນກທັມ ດັ່ງນີ້. ດູກ່ອນນັນທະກະ! ອີກປະກາຣໜຶ່ງ ອະຣິຍະສາວົກປະກອບດ້ວຍຄວາມເຫລື້ອມໃສອັນບໍ່ຫວັ່ນໄຫວໃນພຣະທັມວ່າ ພຣະທັມເປັນສິ່ງທີ່ພຣະຜູ້ມີພຣະພາຄຕຣັສໄວ້ດີແລ້ວ, ເປັນສິ່ງທີ່ຜູ້ສຶກສາແລະປະຕິບັຕຍ່ອມເຫັນໄດ້ດ້ວຍຕົນເອງ, ເປັນສິ່ງທີ່ປະຕິບັຕໄດ້ແລະໃຫ້ຜົລໄດ້ບໍ່ຈໍາກັດກາລ, ເປັນສິ່ງທີ່ຄວນກ່າວກັບຜູ້ອື່ນວ່າ ທ່ານຈົ່ງມາເບິ່ງເຖີດ, ເປັນສິ່ງທີ່ຄວນນ້ອມເຂົ້າມາໃສ່ໂຕ, ເປັນສິ່ງທີ່ວິນຍູຊົນຍ່ອມຮູ້ໄດ້ສະເພາະຕົນ ດັ່ງນີ້. ດູກ່ອນນັນທະກະ! ອີກປະກາຣໜຶ່ງ ອະຣິຍະສາວົກປະກອບດ້ວຍຄວາມເຫລື້ອມໃສອັນບໍ່ຫວັ່ນໄຫວໃນພຣະສົງຄ໌ວ່າ ສົງຄ໌ສາວົກຂອງພຣະຜູ້ມີພຣະພາຄເປັນຜູ້ປະຕິບັຕດີແລ້ວ, ສົງຄ໌ສາວົກຂອງພຣະຜູ້ມີພຣະພາຄເປັນຜູ້ປະຕິບັຕຕົງແລ້ວ, ສົງຄ໌ສາວົກຂອງພຣະຜູ້ມີພຣະພາຄເປັນຜູ້ປະຕິບັຕຊອບແລ້ວ, ສົງຄ໌ສາວົກຂອງພຣະຜູ້ມີພຣະພາຄເປັນຜູ້ປະຕິບັຕສົມຄວນແລ້ວ, ໄດ້ແກ່ບຸຄຄົລເຫລົ່ານີ້ຄື ຄູ່ແຫ່ງບຸຣຸສສີ່ຄູ່ ນັບຮຽງໂຕໄດ້ ໘ ບຸຣຸສ ນັ້ນແຫລະຄືສົງຄ໌ສາວົກຂອງພຣະຜູ້ມີພຣະພາຄ ເປັນສົງຄ໌ຄວນແກ່ສັກກາຣະທີ່ເຂົານຳມາບູຊາ, ເປັນສົງຄ໌ຄວນແກ່ສັກກາຣະທີ່ເຂົາຈັດໄວ້ຕ້ອນຮັບ, ເປັນສົງຄ໌ຄວນຮັບທັກຂິນາທານ, ເປັນສົງຄ໌ທີ່ບຸຄຄົລທົ່ວໄປຄວນທຳອັນຊະລີ, ເປັນສົງຄ໌ທີ່ເປັນນາບຸນຍ໌ຂອງໂລກ ບໍ່ມີນາບຸນຍ໌ອື່ນຍິ່ງກວ່າ ດັ່ງນີ້. ດູກ່ອນນັນທະກະ! ອີກປະກາຣໜຶ່ງ ອະຣິຍະສາວົກເປັນຜູ້ປະກອບດ້ວຍສີລທີ່ພຣະອະຣິຍະເຈົ້າໃຄ່ແລ້ວ ບໍ່ຂາດ ບໍ່ທະລຸ ບໍ່ດ່າງ ບໍ່ພ້ອຍ ເປັນອິສສະຣະ ວິນຍູຊົນສັນລະເສີນ ບໍ່ມີອັນໃດຄອບງຳ ເປັນໄປເພື່ອສະມາທິ. ດູກ່ອນນັນທະກະ! ອະຣິຍະສາວົກຜູ້ປະກອບດ້ວຍທັມ ໔ ປະກາຣນີ້ແລ ເປັນໂສດາບັນ ມີຄວາມບໍ່ຕົກຕ່ຳເປັນທັມມະດາ ເປັນຜູ້ທ່ຽງທີ່ຈະຕຣັສຮູ້ໃນເບື້ອງໜ້າ. ດູກ່ອນນັນທະກະ! ກໍແລ ອະຣິຍະສາວົກປະກອບດ້ວຍທັມ ໔ ປະກາຣນີ້ ເປັນຜູ້ປະກອບດ້ວຍອາຍຸທັງທີ່ເປັນທິພຍ໌ ທັງທີ່ເປັນຂອງມະນຸສ, ເປັນຜູ້ປະກອບດ້ວຍວັນນະທັງທີ່ເປັນທິພຍ໌ ທັງທີ່ເປັນຂອງມະນຸສ, ເປັນຜູ້ປະກອບດ້ວຍສຸຂທັງທີ່ເປັນທິພຍ໌ ທັງທີ່ເປັນຂອງມະນຸສ, ເປັນຜູ້ປະກອບດ້ວຍຍົສທັງທີ່ເປັນທິພຍ໌ ທັງທີ່ເປັນຂອງມະນຸສ, ເປັນຜູ້ປະກອບດ້ວຍຄວາມເປັນໃຫຍ່ທັງທີ່ເປັນທິພຍ໌ ທັງທີ່ເປັນຂອງມະນຸສ. ດູກ່ອນນັນທະກະ! ກໍເຮົາບໍ່ໄດ້ຟັງຈາກສະມະນະຫລືພຣາມນ໌ອື່ນຈຶ່ງກ່າວເຣື່ອງນັ້ນ, ຄວາມຈິງ ເຮົາຮູ້ເອງ ເຫັນເອງ ຊາບເອງ ຈຶ່ງກ່າວເຣື່ອງນັ້ນ. ເມື່ອພຣະຜູ້ມີພຣະພາຄຕຣັສຢ່າງນີ້ແລ້ວ ບຸຣຸສຄົນໜຶ່ງໄດ້ກ່າວກັບມະຫາອະມາຕຍ໌ຂອງເຈົ້າລິຈສະວີຊື່ນັນທະກະວ່າ ເຖິງເວລາອາບນ້ຳແລ້ວ ທ່ານຜູ້ຈະເຣີນ. ນັນທະກະມະຫາອະມາຕຍ໌ກ່າວວ່າ ດູກ່ອນທ່ານ ບັດນີ້ຍັງບໍ່ຕ້ອງກາຣອາບນ້ຳພາຍນອກ ຕ້ອງກາຣອາບນ້ຳພາຍໃນ ຄືຄວາມເຫລື້ອມໃສໃນພຣະຜູ້ມີພຣະພາຄ (ອະລັນທານິ ພະເນ ເອເຕນະ ພາຫິເຣນະ ນຫະເນນະ ອະລະມິທັງ ອັຊຊັຕຕັງ ນຫານັງ ພະວິສສະຕິ ຍະທິທັງ ພະຄະວະຕິ ປະ-ສາໂທຕິ). ສັງຍຸຕຕະນິກາຍ ມະຫາວາຣະວັຄ ໑໙/໓໘໖-໓໘໗/໑໕໘໐-໑໕໘໓ Previous Next

Right concentration, development of concentration, meditation practice, meditation, concentration, Mindfulness of breathing meditation. “And what, bhikkhus, is right concentration? Here, bhikkhus, secluded from sensual pleasures, secluded from unwholesome states, a bhikkhu enters and dwells in the first jhana, which is accompanied by thought and examination, with rapture and happiness born of seclusion. With the subsiding of thought and examination, he enters and dwells in the second jhana, which has internal confidence and unification of mind, is without thought and examination, and has rapture and happiness born of concentration. With the fading away as well of rapture, he dwells equanimous and, mindful and clearly comprehending, he experiences happiness with the body; he enters and dwells in the third jhana of which the noble ones declare: ‘He is equanimous, mindful, one who dwells happily.’ With the abandoning of pleasure and pain, and with the previous passing away of joy and displeasure, he enters and dwells in the fourth jhana, which is neither painful nor pleasant and includes the purification of mindfulness by equanimity. This is called right concentration.” Meditate “These are the feet of trees, bhikkhus, these are empty huts. Meditate, bhikkhus, do not be negligent, lest you regret it later. This is our instruction to you.” Learn More Never Stop Trying “Mendicants, I have learned these two things for myself—to never be content with skillful qualities, and to never stop trying…” Learn More The Importance of Concentration At Savatthi. “Bhikkhus, develop concentration. A bhikkhu who is concentrated understands things as they really are. “And what does he understand as it really is? He understands as it really is: ‘This is suffering.’ He understands as it really is: ‘This is the origin of suffering.’ He understands as it really is: ‘This is the cessation of suffering.’ He understands as it really is: ‘This is the way leading to the cessation of suffering.’ “Bhikkhus, develop concentration. A bhikkhu who is concentrated understands things as they really are. “Therefore, bhikkhus, an exertion should be made to understand: ‘This is suffering.’ An exertion should be made to understand: ‘This is the origin of suffering.’ An exertion should be made to understand: ‘This is the cessation of suffering.’ An exertion should be made to understand: ‘This is the way leading to the cessation of suffering.’” Purify the very starting point of wholesome states “Well then, Bahiya, purify the very starting point of wholesome states. And what is the starting point of wholesome states? Virtue that is well purified and view that is straight. Then, Bahiya, when your virtue is well purified and your view is straight, based upon virtue, established upon virtue, you should develop the four establishments of mindfulness.” Learn More

< Back ຄວາມບໍຣິສຸທຍ່ອມບໍ່ມີເພາະນ້ຳ ແຕ່ສັຈຈະແລະທັມຕ່າງຫາກທີ່ກະທຳໃຫ້ບໍຣິສຸທໄດ້ The Buddha's words Jun 8, 2025 ສມັຍໜຶ່ງ ພຣະຜູ້ມີພຣະພາຄປະທັບຢູ່ທີ່ຄະຍາສີສະປະເທສ ໃກ້ໝູ່ບ້ານຄະຍາ ກໍໃນສມັຍນັ້ນ ພວກຊະດິນຈຳນວນຫລາຍພາກັນຜຸດຂຶ້ນ ມຸດລົງ ຜຸດຂຶ້ນແລະມຸດລົງໃນນ້ຳ ຣົດນ້ຳແດ່ ບູຊາໄຟແດ່ ໃນແມ່ນ້ຳຄະຍາ ໃນທ່າມກາງຫິມະຕົກກະໜ່ຳຕລອດ ໗ ວັນ ໃນຣາຕຣີແຫ່ງຄວາມເໜັບໜາວ ດ້ວຍຄິດວ່າ ຄວາມບໍຣິສຸທຍ່ອມມີໄດ້ດ້ວຍວິທີນີ້. ພຣະຜູ້ມີພຣະພາຄໄດ້ທອດພຣະເນຕເຫັນພວກຊະດິນເຫລົ່ານັ້ນ ຜຸດຂຶ້ນ ມຸດລົງ ຜຸດຂຶ້ນແລະມຸດລົງໃນນ້ຳ ຣົດນ້ຳແດ່ ບູຊາໄຟແດ່ ໃນແມ່ນ້ຳຄະຍາ ໃນທ່າມກາງຫິມະຕົກກະໜ່ຳຕລອດ ໗ ວັນ ໃນຣາຕຣີແຫ່ງຄວາມເໜັບໜາວ ດ້ວຍຄິດວ່າ ຄວາມບໍຣິສຸທຍ່ອມມີໄດ້ດ້ວຍວິທີນີ້. ລຳດັບນັ້ນ ພຣະຜູ້ມີພຣະພາຄຊາບເນື້ອຄວາມນີ້ແລ້ວ ຊົງເປັ່ງອຸທານໃນເວລານັ້ນວ່າ: “ຄວາມບໍຣິສຸທຍ່ອມບໍ່ມີເພາະນ້ຳ ແຕ່ຊົນຈຳນວນຫລາຍກໍຍັງອາບຢູ່ໃນນ້ຳນີ້ ສັຈຈະແລະທັມມີຢູ່ໃນຜູ້ໃດ ຜູ້ນັ້ນເປັນຜູ້ບໍຣິສຸທສະອາດແລະເປັນພຣາມນ໌.” ຂຸທທະກະນິກາຍ ຂຸທທະກະປາຖະ ໒໕/໕໗/໔໖ Previous Next

< Back ສັຕທັງຫລາຍປະພຶຕຊອບໃນເວລາໃດ ເວລານັ້ນຊື່ວ່າ ເປັນເຣີກດີ... The Buddha's words Jun 7, 2025 ພິກຂຸທັງຫລາຍ! ສັຕເຫລົ່າໃດປະພຶຕກາຍສຸຈະຣິຕ ປະພຶຕວະຈີສຸຈະຣິຕ ປະພຶຕມະໂນສຸຈະຣິຕ ໃນເວລາເຊົ້າ ເວລາເຊົ້າກໍເປັນເວລາເຊົ້າທີ່ດີຂອງສັຕເຫລົ່ານັ້ນ. ພິກຂຸທັງຫລາຍ! ສັຕເຫລົ່າໃດປະພຶຕກາຍສຸຈະຣິຕ ປະພຶຕວະຈີສຸຈະຣິຕ ປະພຶຕມະໂນສຸຈະຣິຕ ໃນເວລາທ່ຽງ ເວລາທ່ຽງກໍເປັນເວລາທ່ຽງທີ່ດີຂອງສັຕເຫລົ່ານັ້ນ. ພິກຂຸທັງຫລາຍ! ສັຕເຫລົ່າໃດປະພຶຕກາຍສຸຈະຣິຕ ປະພຶຕວະຈີສຸຈະຣິຕ ປະພຶຕມະໂນສຸຈະຣິຕ ໃນເວລາແລງ ເວລາແລງກໍເປັນເວລາແລງທີ່ດີຂອງສັຕເຫລົ່ານັ້ນ. ສັຕທັງຫລາຍປະພຶຕຊອບໃນເວລາໃດ ເວລານັ້ນຊື່ວ່າ ເປັນເຣີກດີ ມຸງຄຸລດີ ສະວ່າງດີ ຮຸ່ງດີ ຂະນະດີ ຍາມດີ ແລະບູຊາດີໃນພຣົມມະຈາຣີບຸຄຄົລທັງຫລາຍ. ກາຍະກັມເປັນສ່ວນເບື້ອງຂວາ ຄວາມປາຖນາຂອງເຂົາເປັນສ່ວນເບື້ອງຂວາ ສັຕທັງຫລາຍກະທຳກັມອັນເປັນສ່ວນເບື້ອງຂວາແລ້ວ ຍ່ອມໄດ້ຜົລປະໂຍຊນ໌ອັນເປັນສ່ວນເບື້ອງຂວາ ທ່ານເຫລົ່ານັ້ນໄດ້ປະໂຍຊນ໌ແລ້ວ ຍ່ອມໄດ້ຮັບຄວາມສຸຂ ຍ່ອມງອກງາມໃນພຸທທະສາສນາ ຍ່ອມບໍ່ມີໂຣຄ ເຖິງຄວາມສຸຂພ້ອມດ້ວຍຍາຕທັງມວນ. ອັງຄຸຕຕະຣະນິກາຍ ເອກະ-ທຸກ-ຕິກະນິບາຕ ໒໐/໒໘໕-໒໘໖/໕໙໕ Previous Next

Daily Dhamma practice, Weekend Dhamma practice, yearly Dhamma training course. DHAMMA TRANING COURSE Walking Meditation outdoor The Month's Events Upcoming Events January 2026 Today Mon Tue Wed Thu Fri Sat Sun 29 30 31 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 12:00 AM ຂຶ້ນ 8 ຄ່ຳ ເດືອນ 3 +1 more 27 28 29 30 31 1 2 12:00 AM ຂຶ້ນ 15 ຄ່ຳ ເດືອນ 3 +1 more 3 4 5 6 7 8 OUTDOOR Practice Join us for our special Dhamma Training Course held annually with some years featuring multiple sessions. Experience the practice of Dhamma in both indoor and outdoor settings, welcoming participation from all. Stay updated on our schedule following our page, where we'll post the timeline and details for each course. We look forward to your participation! Meditate “These are the feet of trees, bhikkhus, these are empty huts. Meditate, bhikkhus, do not be negligent, lest you regret it later. This is our instruction to you.” Never Stop Trying “Mendicants, I have learned these two things for myself—to never be content with skillful qualities, and to never stop trying…” Good Friendship Is the Entire Holy Life “This is the entire holy life, Ānanda, that is, good friendship, good companionship, good comradeship. When a bhikkhu has a good friend, a good companion, a good comrade, it is to be expected that he will develop and cultivate the Noble Eightfold Path...”

< Back ຄວາມບໍຣິສຸທຍ່ອມບໍ່ມີເພາະນ້ຳ The Buddha's words Jun 8, 2023 ທີ່ນະຄອຣສາວັຕຖີ. ສມັຍນັ້ນ ສັງຄະຣະວະພຣາມນ໌ອາສັຍຢູ່ໃນນະຄອຣສາວັຕຖີ ມີລັທທິທີ່ເຊື່ອຖືຄວາມບໍຣິສຸທດ້ວຍນ້ຳ ປາຖນາຄວາມບໍຣິສຸທດ້ວຍນ້ຳ ຖືກາຣລົງອາບນ້ຳຊຳຣະຮ່າງກາຍທັງເວລາແລງແລະເວລາເຊົ້າເປັນປະຈຳ. ຄັນເວລາເຊົ້າ ທ່ານພຣະອານົນທ໌ຄອງຜ້າອັນຕະຣະວາສົກ ຖືບາຕແລະຈີວອຣ ເຂົ້າໄປບິນທະບາຕໃນນະຄອຣສາວັຕຖີ ກັບຈາກບິນທະບາຕພາຍຫລັງສັນພັຕຕາຫາຣສຳເຣັຈແລ້ວ ເຂົ້າໄປເຝົ້າພຣະຜູ້ມີພຣະພາຄເຖິງທີ່ປະທັບ ຖວາຍອະພິວາທແລ້ວນັ່ງໃນທີ່ຄວນສ່ວນຂ້າງໜຶ່ງ ໄດ້ກຣາບທູລພຣະຜູ້ມີພຣະພາຄດັ່ງນີ້ວ່າ: ຂ້າແຕ່ພຣະອົງຄ໌ຜູ້ຈະເຣີນ! ສັງຄະຣະວະພຣາມນ໌ອາສັຍຢູ່ໃນນະຄອຣສາວັຕຖີ ເຂົາມີລັທທິທີ່ເຊື່ອຖືຄວາມບໍຣິສຸທດ້ວຍນ້ຳ ປາຖນາຄວາມບໍຣິສຸທດ້ວຍນ້ຳ ຖືກາຣລົງອາບນ້ຳຊຳຣະຮ່າງກາຍທັງເວລາແລງແລະເວລາເຊົ້າເປັນປະຈຳ ຂໍພຣະອົງຄ໌ປະທານໂອກາສ ຂໍພຣະຜູ້ມີພຣະພາຄໂປດອະນຸເຄາະສະເດັຈເຂົ້າໄປຫາສັງຄະຣະວະພຣາມນ໌ເຖິງທີ່ຢູ່ດ້ວຍເຖີດ ພຣະອົງຄ໌ຜູ້ຈະເຣີນ ພຣະຜູ້ມີພຣະພາຄຊົງຮັບນິມົນດ້ວຍດຸສະນີພາບ. ຄັັນເວລາເຊົ້າ ພຣະຜູ້ມີພຣະພາຄຊົງຄອງຜ້າອັນຕະຣະວາສົກ ຖືບາຕແລະຈີວອຣສະເດັຈເຂົ້າໄປຫາສັງຄະຣະວະພຣາມນ໌ເຖິງທີ່ຢູ່ ແລ້ວປະທັບນັ່ງເທິງອາສະນະທີ່ປູລາດໄວ້ແລ້ວ. ລຳດັບນັ້ນ ສັງຄະຣະວະພຣາມນ໌ເຂົ້າໄປຫາພຣະຜູ້ມີພຣະພາຄເຖິງທີ່ປະທັບ ໄດ້ສົນທະນາປຣາສັຍພໍໃຫ້ເປັນທີ່ບັນເທິງໃຈ ພໍໃຫ້ຣະນຶກເຖິງກັນໄປແລ້ວ ກໍນັ່ງໃນທີ່ຄວນສ່ວນຂ້າງໜຶ່ງ ພຣະຜູ້ມີພຣະພາຄຕຣັສຖາມສັງຄະຣະວະພຣາມນ໌ວ່າ: ພຣາມນ໌! ເຂົາກ່າວກັນວ່າ ທ່ານໄດ້ຊື່ວ່າຖືຄວາມບໍຣິສຸທດ້ວຍນ້ຳ ປາຖນາຄວາມບໍຣິສຸທດ້ວຍນ້ຳ ຖືກາຣລົງອາບນ້ຳຊຳຣະຮ່າງກາຍທັງເວລາແລງແລະເວລາເຊົ້າເປັນປະຈຳຈິງຫລື? ຈິງຢ່າງນັ້ນ ພຣະໂຄດົມຜູ້ຈະເຣີນ. ພຣາມນ໌! ທ່ານມອງເຫັນອຳນາຈປະໂຍຊນ໌ອັນໃດ ຈຶ່ງໄດ້ຊື່ວ່າ ມີລັທທິຖືຄວາມບໍຣິສຸທດ້ວຍນ້ຳ ປາຖນາຄວາມບໍຣິສຸທດ້ວຍນ້ຳ ຖືກາຣລົງອາບນ້ຳຊຳຣະຮ່າງກາຍທັງເວລາແລງແລະເວລາເຊົ້າເປັນປະຈຳຢ່າງນັ້ນ? ຂ້າແຕ່ພຣະໂຄດົມຜູ້ຈະເຣີນ! ບາບກັມໃດທີ່ຂ້ານ້ອຍກະທຳໃນເວລາກາງເວັນ ຂ້ານ້ອຍກໍລອຍບາບກັມນັ້ນດ້ວຍກາຣອາບນ້ຳໃນເວລາແລງ; ບາບກັມໃດທີ່ຂ້ານ້ອຍກະທຳໃນເວລາກາງຄືນ ຂ້ານ້ອຍກໍລອຍບາບກັມນັ້ນດ້ວຍກາຣອາບນ້ຳໃນເວລາເຊົ້າ. ຂ້າແຕ່ພຣະໂຄດົມຜູ້ຈະເຣີນ! ຂ້ານ້ອຍມອງເຫັນອຳນາຈປະໂຍຊນ໌ນີ້ແລ ຈຶ່ງໄດ້ຊື່ວ່າມີລັທທິຖືຄວາມບໍຣິສຸທດ້ວຍນ້ຳ ປາຖນາຄວາມບໍຣິສຸທດ້ວຍນ້ຳ ຖືກາຣລົງອາບນ້ຳຊຳຣະຮ່າງກາຍທັງເວລາແລງແລະເວລາເຊົ້າເປັນປະຈຳ. ພຣາມນ໌! ບຸຄຄົລຜູ້ເຖິງເວທທັງຫລາຍນັ້ນຍ່ອມອາບໃນສາຍນ້ຳຄືທັມຂອງສັປບຸຣຸສທັງຫລາຍ ເຊິ່ງມີທ່າຄືສີລບໍ່ຂຸ່ນມົວ ອັນສັປບຸຣຸສທັງຫລາຍສັນລະເສີນແລ້ວ ເປັນຜູ້ມີໂຕບໍ່ປຽກຊຸ່ມ ຍ່ອມຂ້າມເຖິງຝັ່ງໄດ້. ເມື່ອພຣະຜູ້ມີພຣະພາຄຕຣັສຢ່າງນີ້ແລ້ວ ສັງຄະຣະວະພຣາມນ໌ໄດ້ກຣາບທູລພຣະຜູ້ມີພຣະພາຄວ່າ: ຂ້າແຕ່ພຣະໂຄດົມຜູ້ຈະເຣີນ ພາສິຕຂອງພຣະອົງຄ໌ແຈ່ມແຈ້ງຫລາຍ, ຂ້າແຕ່ພຣະໂຄດົມຜູ້ຈະເຣີນ ພາສິຕຂອງພຣະອົງຄ໌ແຈ່ມແຈ້ງຫລາຍ ພຣະອົງຄ໌ຊົງປະກາສທັມໂດຍອະເນກປະຣິຍາຍ ປຽບເໝືອນຫງາຍຂອງທີ່ຂວ້ຳ ເປີດຂອງທີ່ປິດ ບອກທາງແກ່ຄົນຫລົງທາງ ຫລືສ່ອງປະທີປໄວ້ໃນທີ່ມືດ ດ້ວຍຫວັງວ່າ ຄົນມີຈັກຂຸຈັກເຫັນຣູປໄດ້ ສັນນັ້ນ. ຂ້າແຕ່ພຣະໂຄດົມຜູ້ຈະເຣີນ! ຂ້ານ້ອຍຂໍເຖິງພຣະຜູ້ມີພຣະພາຄ ພຣະທັມ ແລະພຣະພິກຂຸສົງຄ໌ວ່າ ເປັນສະຣະນະ ຂໍພຣະອົງຄ໌ໂປດຊົງຈຳຂ້ານ້ອຍໄວ້ວ່າ ເປັນອຸປາສົກ ຜູ້ເຖິງສະຣະນະຕລອດຊີວິຕ ຕັ້ງແຕ່ວັນນີ້ເປັນຕົ້ນໄປ. ສັງຍຸຕຕະນິກາຍ ສະຄາຖະວັຄ ໑໕/໒໒໑-໒໒໓/໗໑໙-໗໒໓ Previous Next

< Back ມຸງຄຸລໃນພຸທທະສາສນາ The Buddha's words Jun 8, 2025 ສມັຍໜຶ່ງ ພຣະຜູ້ມີພຣະພາຄປະທັບຢູ່ທີ່ພຣະວິຫາຣເຊຕະວັນ ອາຣາມຂອງທ່ານອະນາຖະບິນດິກະເສດຖີ ໃກ້ພຣະນະຄອຣສາວັຕຖີ ຄັ້ງນັ້ນແລ ເທວະດາອົງຄ໌ໜຶ່ງ ເມື່ອປະຖົມຍາມລ່ວງໄປ ມີຣັສມີອັນງົດງາມຢ່າງຍິ່ງ ກະທຳພຣະວິຫາຣເຊຕະວັນທັງສິ້ນໃຫ້ສວ່າງສະໄຫວ ເຂົ້າໄປເຝົ້າພຣະຜູ້ມີພຣະພາຄເຖິງທີ່ປະທັບ ຖວາຍບັງຄົມແລ້ວຢືນຢູ່ໃນທີ່ຄວນສ່ວນຂ້າງໜຶ່ງ ຄັນແລ້ວໄດ້ກຣາບທູລພຣະຜູ້ມີພຣະພາຄດ້ວຍຄາຖາວ່າ: ເທວະດາແລະມະນຸສທັງຫລາຍ ຜູ້ຫວັງຄວາມສວັສດີໄດ້ພາກັນຄິດເຣື່ອງມຸງຄຸລທັງຫລາຍ ຂໍພຣະອົງຄ໌ໄດ້ໂປດຕຣັສອຸດົມມຸງຄຸລເຖີດ. ພຣະຜູ້ມີພຣະພາຄຕຣັສຕອບດ້ວຍຄາຖາວ່າ: ກາຣບໍ່ຄົບຄົນພາລ, ກາຣຄົບບັນດິຕ, ກາຣບູຊາບຸຄຄົລທີ່ຄວນບູຊາ, ນີ້ເປັນອຸດົມມຸງຄຸລ. ກາຣຢູ່ໃນປະເທສອັນສົມຄວນ, ຄວາມເປັນຜູ້ມີບຸນຍ໌ອັນກະທຳໄວ້ແລ້ວໃນກາລກ່ອນ, ກາຣຕັ້ງຕົນໄວ້ຊອບ, ນີ້ເປັນອຸດົມມຸງຄຸລ. ພະຫຸສັຈຈະ (ຄວາມເປັນຜູ້ໄດ້ຍິນໄດ້ຟັງຫລາຍ), ຄວາມມີສີລະປະ, ວິນັຍທີ່ສຶກສາດີແລ້ວ, ວາຈາສຸພາສິຕ, ນີ້ເປັນອຸດົມມຸງຄຸລ. ກາຣບຳຣຸງມາຣດາ ບິດາ, ກາຣສົງເຄາະບຸຕພະຣິຍາ, ກາຣງານອັນບໍ່ຄ້າງຄາ, ນີ້ເປັນອຸດົມມຸງຄຸລ. ກາຣບຳເພັນທານ, ກາຣປະພຶຕທັມ, ກາຣສົງເຄາະຍາຕ, ກາຣກະທຳກັມອັນບໍ່ມີໂທສ, ນີ້ເປັນອຸດົມມຸງຄຸລ. ກາຣງົດເວັ້ນຈາກບາບ, ຄວາມສັງຣວມຈາກກາຣດື່ມນ້ຳເມົາ, ຄວາມບໍ່ປະມາທໃນທັມທັງຫລາຍ, ນີ້ເປັນອຸດົມມຸງຄຸລ. ຄວາມເຄົາຣົພ, ຄວາມອ່ອນນ້ອມຖ່ອມຕົນ, ຄວາມສັນໂດດ, ຄວາມກະຕັນຍູ, ກາຣຟັງທັມຕາມກາລ, ນີ້ເປັນອຸດົມມຸງຄຸລ. ຄວາມອົດທົນ, ຄວາມເປັນຜູ້ວ່າງ່າຍ, ກາຣໄດ້ເຫັນສະມະນະທັງຫລາຍ, ກາຣສົນທະນາທັມຕາມກາລ, ນີ້ເປັນອຸດົມມຸງຄຸລ. ຄວາມພຽນ, ກາຣປະພຶຕພຣົມມະຈັນຍ໌, ກາຣເຫັນອະຣິຍະສັຈ, ກາຣກະທຳນິພພານໃຫ້ແຈ້ງ, ນີ້ເປັນອຸດົມມຸງຄຸລ. ຈິຕຂອງຜູ້ໃດອັນໂລກະທັມທັງຫລາຍຖືກຕ້ອງແລ້ວ ບໍ່ຫວັ່ນໄຫວ ບໍ່ເສົ້າໂສກ ປາສະຈາກທຸລີ ມີຄວາມກະເສມ ນີ້ເປັນອຸດົມມຸງຄຸລ. ເທວະດາແລະມະນຸສທັງຫລາຍ ກະທຳມຸງຄຸລເຊັ່ນນີ້ແລ້ວ ຍ່ອມເປັນຜູ້ບໍ່ປຣາໄຊໃນຂ້າເສິກທຸກໝູ່ເຫລົ່າ ຍ່ອມເຖິງຄວາມສວັສດີໃນທີ່ທຸກສະຖານ ນີ້ເປັນມຸງຄຸລຂອງເທວະດາແລະມະນຸສທັງຫລາຍ. ຂຸທທະກະນິກາຍ ຂຸທທະກະປາຖະ-ທັມມະບົທ-ອຸທານ-ອິຕິວຸຕຕະກະ-ສຸຕຕະນິບາຕ ໒໕/໒໘໘-໒໘໙/໓໑໗-໓໑໘ Previous Next